472
REGISTRES DU BUREAU
[-557]
DCCCLXXXIV. — Lettres du Roy pour la pompe funèbre de Monseigneur le Cardinal de Bourron.
Reçues avant le 19 mars 1557. (F°1. a34 v°.)
14 mars. De par le Roy.
Trés chers et bien amez,
"Pour ee que nous voullons et entendons que es obseques et funerailles de feu nostre cousin le Car­dinal, pour estre Prince de nostre Sang si prochain qu'il estoit, oultre sa dignité Cardinalle, il soit faict toutes les plus honnorables ceremonies dont l'on se pourra adviser, selon ce que nous avons faict en­tendre à nostre trés cher et amé cousin le Cardinal de Vendosme W, vous ayez à vous trouver au lieu où led. deffunct est decedé, pour assister à la pompe
funèbre et accompaigner le corps jusques en l'eglise de Sainct Germain l'Auxerrois où il doibt premiere­ment estre posé, car nous desirons que chascun congnoisse en quel estime nous le tenions et la me­moire que nous devons tenir de luy après sa mort. "Donné à Escouen, le xnne jour de Mars mil
Ve LVI."
Signé: "HENRY". Et au dessoubz : "Du Thier». Et au dessus :
A noz trés chers et bien amez Jes Prevost des Marchans et Eschevins de la Ville de Paris.
DCCCLXXXV. — Mandemens pour lad. pompe funèbre.
19 mars 1557. (F°'. 3-''J v°-)
Incontinant lesd, lettres veues, a esté ordonné Man­demens estre expédiez aux seize Quarteniers ; dont la teneur ensuit :
#e par les Prevost des Marchans et Eschevins de la Ville de Paris.
«Sire Jehan de Sainct Germain, Quartenier de lad. Ville, appellez six des plus notables et qualif­iiez bourgeois de vostred. quartier, et vous trouvez tous dimenche prochain à mydi précisement en l'Hostel delad. Ville, vestuz en voz bons habitz, à cheval, pour nous acompaigner à aller aux obseques et pompe funèbre de feu Monseigneur le Cardinal de Bourbon, suyvant les Lettres du Roy ; si n'y faittes faulte.
"Faict au Bureau de lad. Ville, le Xix" jour de Mars mil vclvi. n
A esté aussi envoyé Mandemens aux xxiiii Con­seillers de lad. Ville et aux archers, arbalestriers et hacquebutiers, pour eulx trouver led. jour à mydi; et lesd, archers et autres vestuz de leurs hocquetons de livrée à pied, et lesd. Conseillers, Quarteniers et Bourgeois à cheval.
Ce faict, fut mandé Jehan de La Bruyere, appo­ticaire de lad. Ville, auquel fut commandé faire expe­dier soixante torches aux armoiryes de lad. Ville, qui seroient baillées ausd, archers, arbalestriers et hacquebutiers pour porter devant le corps dud. def­funct.
DCCCLXXXVL — Pompe funèbre.
21 mars 1557. (Fol. 235 r°.)
Et led. jour de dimenche xxie jour dud. moys, mesd. S™ les Prevost des marchans. Eschevins, Con­seillers, Quarteniers, Bourgeois, sergens, archers, arbalestriers et hacquebutiers de lad. Ville, se trou­verent en l'Hostel d'icelle environ une heure après mydi ; et quand ilz furent tous assemblez, partirent à deux heures de relevée de l'Hostel de lad.Ville, en l'ordre qui en suit :
"' «Le Cardinal de Rourbon" : Louis de Rourbon (i4g3-i557). (1523-1590). — Pour plus de détails sur ces prélats, voir page 143
Premierement, le cappitaine, lieutenant et en­seigne de cent hacquebutiers, avec sa trouppe.
Après, les cappitaine et lieutenant des six vingtz archers, avec sa suitte et compaignée entiere.
Après, suyvoient le cappitaine et compaignée des soixante arbalestriers tous à pied, vestuz de leurs hocquetons de livrée.
Après, marchoient à pied les dix sergens de la
— «Le Cardinal de Vendosme» : Charles de Bourbon-Vendôme , notes 7 et 8.